Früech gstartet u bis uf Geralton gfahre ga übernachte. Am nächschte Tag eigentläch nä uf äm Wäg nach Perth no ds Guilderton ufäm schöne Campingplatz wele ga übernachte. Leider isch ds Wätter a däm Tag immer wie schlimmer worde. Het gschiffet wie wild u später ischs sogar no cho hagle. So hei mir immer wider müesse uf dr Outobahn ahaute u am Rand i Deckig ga vor äm Hagel! De hei mirs de lasi mit uf Guilderton as Meer fahre. Si nä grad bis uf Perth düregfahre u uf äm Campingplatz bim Flughafe übernachtet. Stolzi AUD 38.-- füre Platz zaut. Nä hets gschiffet wine more u gstüürmt. Campingplatz isch so richtig überfluetet worde u blitzt hets ono i regelmässige Abständ. Irgendeinisch ischs de aber o mau düre gsi. Ir Nacht hets aber no mau aues gä. Schiins über 100'000 Lüt ds Perth oni Strom gsi. Paar hundert Notrüef. D Sirene hei mir emu flissig kört. So heigs schins sit fasch 20 Jahr nüm ta. Schön hei mir das chönne erläbe ;-)