Vo Kalbarri uf Denham gfahre, das isch die westlichsti Stadt vo Australie mit ca. 1000 Iwohner. Vorhär no ds Hamelin ga Fosilie aluege - sehr beidruckend gsi. Nä no dr Shell Beach ga bestune. Millione vo chline Müscheli si dert, statt Sand! Nä witter zum Eagle Bluffe. Dert hei mir vor Klippe abe ufs Meer gse - 1 Hai heimer gse + ä Wasserschildchrot.
Äm nächste Tag früech uf u nach Monkey Mia gfahre um d Delphine ga ds luege. Dert si mir de o scho äm haubi achti gsi, Grad mau 2 Delphine si denn awäsend gsi. Nid schlächt gsi, aber dr Pelikan u ds Emu hei üs de no fasch besser gfaue. U scho hei mir üses nächschte Ziel agstüret - Coral Bay. Gärn wäre mir ufäm wäg no am Shell Beach ga bade, aber äs isch Ebbe gsi...
Ds Carnavaron hei mir de no ikouft u tanket u si schlussändläch äm sächsi ds Coral Bay acho.