Nach me ziemlech gmüet leche flug bini nach guet 13 stund in tokyo ahcho. Um it stadt zcho hets leider nomau 2h brucht, woni näb me aute, schlafende japaner verbracht ha , wo immer biz meh überekeit isch ( zu mir ) :D. Zum glück isch mini sitznachbarin im flüger e lehrerin vor DSTY gsi, wo mer schomau paar tipps gäh het , plus mer zeigt het wo ufe bus :D , perfekte start.

Da mis handy leider in japan ni funktioniert, u i somit ni abhout bi worde, hani mer es taxi gnoh... die sie relativ biuig u e fahrt lohnt sech :D, d fahrer hei so wiissi händsche u e uniform u d sitze sie aui mit grossmuetter dechine bedeckt, episch :D!!!

Im "appartment" isch aues ganz scnäu gange, i ha d regle mitteilt becho, e room usgwäut u gluegt weli zauh bim stromzähler steit ( wenni z viu bruch, zahli äxtra... its isch d frag was z viu isch ). Das so um die 35grad gsi isch u ziemlech stickig... tropisch... öbbis woni no nie erläbt ha... hani müesse d chüelig ahlah , die louft ununterbroche sobaudi daheim bi :D...

Churz vorm is bett gah hani hinterem vorhang ono so es schöns tots ding entdeckt ( siehe bild )... eifach dr perfekt start gha :D !

uuuund schlafe faut o ni ganz so eifach bi sore temperatur , aber zum glück hets 10meter vorm huus e getränke outomat :D! Haza!!!