Nach dere 4 stündige Fahrt..si mer de när i däm härzige "chlin" 5'000 Seeledörfli acho. Hei ou wieder äs Zimmer im ne Hostel buechet gha, u äs isch rächt lustig gsi derte. Wo mer si acho is rächt gspängstig gsi..das heisst, äs isch mega chaut u näblig gsi u wo mer d Fähre hei müesse näh, dass me überhoupt nach Tadoussac chunnt, hei mer im Wasser öpis gseh uftouche u äs si würklech Wale gsi:) Whale Watching zum 2te..

Nei Tadoussac u ou Sept-Îles sie bekannt für d Wale. Me cha dert eifach ä Strand sitze u de gseht me welchi :)

Äm Obe hei mer de när gmüetlech gässe u je spöter dases isch worde, umso meh Bier isch gflosse u d Stimmig isch immer wie besser worde. Ömu für üs, wüu das Québecerfranz isch jo wouh ganz schlimmm z verstoh..do redi lieber Änglisch mitneh.

Äm nächste Tag si mer de när wiiters nach Sept-Îles..nomou 6 Stund im Bus...phuuuuu