I weiss dir heit jetz chli lang uf mini wiiitere Reisebrichte müesse warte aber dürdas, dassi äm reise bi gsi u i jetz scho wieder id Schueu gah, hani haut nid so vieu Ziiit gfunde.

Auso nach däm mer mi Geburi gfiiiret hei u mer no mäm Jazz Festival si gsi, is de när für d Sabine u mi wiiiters nach Québec gange.

Ha gmeint gha, dass mer mit äm "normau" Greyhoundbus in ganz Kanada cha umereise..aber wüu der Französischteil ä zimleche Fight mit äm Englsicheteil vo Kanada het, hei die sogar anderi Buse. Nachärä 3,5 stündige Fahrt simer de i üsem Hostel im schöne aute Québec acho.

Québec erinnertet mi chli a Paris oder ä öuteri Stedtli bi üs. Was natürlech ou schön isch, isch z Schloss u die auti Wachmuuur..mit der Wache. Au Tag düe si no d Wachablösig vorfüehre..das hei mer leider nid chönne luege, das het grägnet u sis hei lo usfaue.

Äm nächste Tag si mer de goh der Wasserfau vo Québec besichtige u sie no mit äm Stadtbähnli gfahre u hei de üs mou wiiiteri Gedanke über üsi Reis gmacht..u mir hei üs entschide gha, dass mer nach Tadoussac göh.