Hoi zäme. Üser Ferie gö leider scho baud z Änd. Mir hei hüt di letschti Übernachtig hie in Llangollen u morn flüge mer de umi i d Heimat. Gester simer ga z Caernarfon Castle agugge. Das isch eini vo de gröschte Burgene hie. Me het in und uf de Burgmuurene chöne umeloufe. Isch sehr sehenswärt gsi u ufgrund vom nid so sunnige Wätter o grad passend. Hüt simer in Llangollen ga ds Aquädukt agugge, wo uf Bilder so spektakulär het usgseh wüu mu mitem Boot grad ar Kante vom Aquädukt na fahrt. Es isch ok, gsi, aber i hätt mers viu spannender vorgsteut. Sogar dr Dani het gseit dass es für ihn schlimmer isch über d Schwarzwasserbrügg z loufe aus über das Aquädukt. Hinech gö mer de no is Stedtli Llangollen. Liebi Grüess u bis zu de nächschte Ferie... :-)