Hi zäme,
mir hei gester e gäbige Flug u Transfer gha u si guet hie in Luosto acho. Ganz speziell isch dr letscht Teu vom Flug gsi, wo d Bewölkig ufta het u mer übere finnisch Meerbuse gfloge si, wo me gseh het, wo Iisbrächer ihri Wäge dür z gfrornige Meer zoge hei. Zudäm simer när überne ändlosi Landschaft vo wisse Böim u gfrornige See'e gfloge.
Hie in Finnland isches gemäss dr Kontiki-Reiseleiterin wo de Transfer gführt het viu viu z warm. Normal um di Jahreszyt si -20 bis -25 Grad, u im Momänt si nume grad 0 Grad. Was dezue führt dass mer leider nid ganz so e Biuderbuechlandschaft hei wi uf de Prospäkte, wüu haut d Böim nüm ganz so igschneit si. Aber es isch immer no sehr sehr wiss hie.
Liebi Grüess