Hi zäme,
gester Nacht am zwü git üsers Natel - Nordliechtalarm... S het auso hert gha zum ufstah aber as het sech sehr glohnt. Riese-Nordliecht diräkt über Luosto. Nachera Stun simer umi im Bett gsi u entsprächend müed hüt morge verwachet. Aber z Wätter dusse entschädiget für aus: As isch a Troumtag was Sunneschyn abelangt. Aber grad zum de ganz Tag dusse si isches doch de nid, mi hi umi chaut, -20 Grad im Momänt. Hüt steit us Schlusspunkt no d Hundeschlittefahrt ufem Programm. Morn wärde mer am 10i hie im Hotäu abghout u nach Levi bracht. Levi isch de gröscht Skisportort vor Region. Det wärde mer no paar Stun zyt ha zum Käfele u Lädele, bevor de am Abe nai de Heiflug isch. Liebi Grüess u bis baud